Сенатар Джон Макейн заклікае ўзмацніць ціск на беларускі рэжым
Таксама амерыканскі сенатар патрабуе вызваліць праваабаронцу Алеся Бяляцкага і астатніх вязняў сумлення.
Па словах Макейна, перадае АФН, арышт Бяляцкага з'яўляецца яшчэ адной прычынай, чаму беларускі рэжым заслугоўвае статусу міжнароднага ізгоя.
Сенатар назваў Беларусь "закладніцай апошняй дыктатуры ў Еўропе". На яго думку, ЗША і Еўропа павінны захоўваць адзінства ў падтрымцы беларускагйа грамадзянскай супольнасці і палітычнай апазіцыі. Макейн заклікаў узмацніць ціск на рэжым Лукашэнкі, у тым ліку адмаўляючы афіцыйнаму Мінску ў крэдытах.
