Рух “За Свабоду” на Брэстчыне не зарэгістравалі
Галоўнае ўпраўленне юстыцыі аблвыканкаму знайшло недакладнасці ў дакументах.
Каардынатар Руху па Брэстчыне Зміцер Траццяк атрымаў ліст з подпісам кіраўніка абласнога ўпраўлення юстыцыі Сяргея Каліноўскага. Там паведамляецца, што дакументы былі пададзеныя з недакладнасцямі. У прыватнасці, заяву аб рэгістрацыі і спісы сяброў рады ўпраўленне юстыцыі палічыла складзенымі няправільна. Акрамя таго, Змітру Траццяку паведамілі, што грошы на рэгістрацыю былі пералічаныя не на той рахунак, інфармуе “Радыё Свабода”.