Радаслаў Сікорскі: Беларусь атрымае 87 млн еўра дапамогі
На падтрымку інстытутаў грамадзянскай супольнасці Беларусі будзе накіравана 87 млн еўра.
Пра гэта заявіў 2 лютага на міжнароднай канферэнцыі донараў "Салідарнасць з Беларуссю" міністр замежных справаў Польшчы Радаслаў Сікорскі.
"Вялікая частка гэтай сумы — гэта новыя рэсурсы, якія з'явіліся ў адказ на заклік Польшчы. Асабліва мне хацелася б падзякаваць Еўрапейскую камісію, бо большая частка гэтай сумы — гэта сродкі, якія краіны ЕС перадаюць праз пасярэдніцтва еўрапейскіх установаў", — сказаў Сікорскі.
