Павел Сырамалотаў — ужо на волі
Зараз ён прыехаў дадому. Пра гэта Еўрарадыё паведаміла яго маці Галіна.
Нагадаем, што Паўла асудзілі за напад на бабруйскі КДБ. Яму прысудзілі 7 гадоў узмоцненага рэжыму.
Разам з Сырамалотавым былі асуджаныя Яўген Васьковіч і Арцём Пракапенка. Усе трое былі асуджаныя на сем гадоў зняволення. У справе фігуравала пашкоджанне дзяржаўнай маёмасці, бо ў будынку КДБ абгарэлі дзверы.
З траіх асуджаных за падпал бабруйскага КДБ прашэнне аб памілаванні напісаў толькі Сырамалотаў.
Нагадаем, што сёння на волю выйшаў таксама палітвязень Сяргей Каваленка. Ён таксама напісаў прашэнне аб памілаванні на імя кіраўніка дзяржавы.
