Еўрасаюз пашырыў санкцыі супраць афіцыйнага Мінска
Прэс-служба ЕС паведаміла, што ў спіс неўязных увайшлі два чыноўнікі, якія ўдзельнічалі ў судзе над праваабаронцам Алесем Бяляцкім.
Гэты крок тлумачыцца як адказ на працяг рэпрэсій супраць грамадзянскай супольнасці, палітычнай апазіцыі ды незалежных СМІ. Цяпер у спісе 210 афіцыйных асобаў, адзначае АФН.
Нагадаем, што акрамя спісу неўязных ЕС замарозіў актывы трох беларускіх кампаній і ўвёў забарону на пастаўку ў Беларусь зброі і матэрыялаў, якія могуць выкарыстоўвацца ўладамі для ўнутраных рэпрэсій.
