Пад Мёрамі затрымалі журналіста сайту Westki.info
Кастусь Шыталь ехаў у Дзісну на Народны сход, прызначаны на 8 кастрычніка.
У вёсцы Кацілава, што за 5 кіламетраў ад Мёраў, ДАІшнікі спынілі машыну, і прывезлі журналіста ў Мёрскі РАУС.
Як кажуць супрацоўнікі ДАІ, журналіста затрымалі, каб праверыць, ці не ён скраў рэчы з машыны па дарозе Глыбокае — Шаркоўшчына.
Кастусь Шыталь планаваў рабіць рэпартаж з Народнага схода ў Дзісне. Журналіст не выключае, што яго затрымалі, каб перашкодзіць выкананню працоўных абавязкаў.