Наста Палажанка звярнулася ў Генпракуратуру
Яна патрабуе завесці крымінальную справу на адміністрацыю калоніі №9 у Горках.
Як паведамляе сайт “Маладога Фронту”, у лісце актывістка заклікае генпракурора спыніць беззаконне ў Горкаўскай калоніі, дзе адбывае пакаранне лідар МФ Зміцер Дашкевіч. Вось ужо больш за месяц ад яго не было лістоў, да Дашкевіча не пускаюць адваката. Адміністрацыя калоніі тройчы, без тлумачэння прычынаў, адмаўляла адвакату ў сустрэчы з Дашкевічам. А саму Палажанку асудзілі на 12 сутак арышту за пікет салідарнасці з ім.
