Надвор’е на панядзелак: да +15 градусаў
У бліжэйшыя суткі ў Беларусі будзе хмарна з праясненнямі, пераважна без ападкаў, дажджы прагназуюць толькі па паўднёвым усходзе краіны.
Уначы і раніцай месцамі чакаецца туман, па паўночным захадзе на асобных участках дарог магчымая галалёдзіца. Вецер уначы паўночны слабы да ўмеркаванага, удзень — няўстойлівы слабы.
Тэмпература паветра ўначы складзе плюс 1-6 градусаў, па захадзе пры праясненнях будзе ад 0 да мінус 3 градусы. Дзённая тэмпература будзе 9-15 градусаў, перадае БЕЛТА са спасылкай на Белгідрамет.