На Уімблдоне Максім Мірны выступіць у парным разрадзе і міксце
Пра гэта беларускі тэнісіст паведаміў 15 чэрвеня на прэс-канферэнцыі ў Мінску.
Уімблдон-2011 стартуе 20 чэрвеня. У пары Мірны выступіць з канадцам Дэніэлам Нестарам, у змяшаных спаборніцтвах — з расіянкай Яраславай Шведавай, якая выступае за Казахстан.
Мірны паведаміў, што плануе выступіць на Алімпійскіх гульнях 2012 года. Па словах спартоўца, існуе папярэдняя дамоўленасць пра выступ у наступным годзе ў міксце з Вікторыяй Азаранка, перадае БелаПАН.
