На сольным канцэрце ў Вінсэнта скончыліся песні
Таму на біс беларускамоўны рэпер праспяваў Ляпісаў.
Вінсэнт зноў сабраў цэлы клуб. На гэты раз – Гудвін. Вялікі сольны канцэрт грымеў на працягу дзвюх з паловай гадзін, падчас выступу на публіку сыпаліся вострапалітычныя тэксты і дзікая энергетыка.
Акрамя сваіх песень, Вінсэнт выканаў “Не быць скотам” Ляпісаў. Ажно два разы, бо калі прыйшоў час “бісу”, аказалася, усе песні ўжо скончыліся.
Прапануем вам фотарэпартаж, а гукі і відэа чакайце з будучых канцэртаў!
Зараз Вінсэнт рушыў у тур па Івацэвічах, Брэсце і Гродне. А 28 кастрычніка абяцае новы сольны канцэрт у Мінску, ў хостэле Jazz. Сачыце за афішай.
Фота: Яўген Ерчак
