Мінскія дынамаўцы вылецелі з Кубка надзеі (відэа)
У трэцім матчы паўфінальнай серыі мінчане ў сябе дома прайгралі рыжскім аднаклубнікам — 0:1.
Нагадаем, у Кубку надзеі ўдзельнічаюць каманды, якія не прабіліся ў плэй-оф Кантынентальнай хакейнай лігі. Напярэдадні ў Рызе, латвійцы двойчы разграмілі беларусаў 7:2 і 7:4. Паколькі ў далейшы этап выходзіць каманда, якая першай атрымае тры перамогі, то ў фінале згуляюць рыжане. А мінскае "Дынама" завяршае няўдалы сезон.
Фота — champ.by
