Мінгарвыканкам зноў просіць мінчукоў прыбраць снег
Як выглядае, "суботнік у аўторак" не дужа дапамог ачысціць горад ад снегу.
Таму гарвыканкам просіць мінчукоў дапамагчы камунальным службам ва ўборцы снега ў бліжэйшыя выходныя, 23 і 24 сакавіка. ЖЭСы абяцаюць дапамагчы з працоўным інвентаром.
Як інфармуе БЕЛТА, на прыборку снегу 19 сакавіка выйшла больш за 80 тысяч чалавек. Тым не менш, у горадзе застаецца яшчэ шмат неачышчаных ад снега ўчасткаў, асабліва на тэрыторыях, прылеглых да жылых дамоў.
