Мікола Статкевіч пацвердзіў факты катаванняў у СІЗА КДБ
У шклоўскай турме днямі дапыталі былога кандыдата ў прэзідэнты Міколу Статкевіча ў справе расследавання факту катаванняў зняволеных у СІЗА КДБ.
Расследаванне праводзіць вайсковая пракуратура. Пра допыт радыё "Свабода" паведаміла жонка палітвязня Марына Адамовіч.
На допыце прысутнічала адвакатка Статкевіча. Са словаў абаронцы, зняволены пацвердзіў усе факты, якія выкладалі іншыя вязні ізалятару КДБ. Выглядае Мікола Статкевіч добра: ён бадзёры і ўпэўнены ў сабе.