Маскоўскі банк прадае долар за 28 тысяч беларускіх рублёў
Такі курс зафіксаваны ва ўстанове “Інвестыцыйны саюз”.
Курсы ў іншых маскоўскіх банках не такія высокія. “Эсідбанк”, напрыклад, прадасць амерыканскі долар за 14 тысяч беларускіх рублёў, паведамляе БелаПАН. З тых замежных банкаў, якія яшчэ наважваюцца праводзіць аперацыі з беларускай валютай, найбольш блізкі да рэальнага курс долара ў літоўскіх банках. Напрыклад, банк “Цытадэль” прадае долары за 9400 беларускіх рублёў. Яго абменнік, размешчаны ля чыгуначнага вакзала ў Вільнюсе, стаў сапраўднай Мекай для беларусаў.
