Магілёў атрымаў сертыфікат культурнай сталіцы
Гэты тытул перайшоў да гораду на Дняпры ўслед за Нясвіжам.
Сертыфікат “Магілёў — культурная сталіца краін СНД і Рэспублікі Беларусь" гораду ўручылі 26 студзеня на ўрачыстым пасяджэнні, прысвечаным 75-годдзю Магілёўскай вобласці.
Мэта гэтай акцыі — зрабіць больш даступнымі найлепшыя дасягненні нацыянальнай культуры для жыхароў усіх куткоў краіны, спрыяць актывізацыі дзейнасці рэгіянальных установаў культуры і мясцовых органаў улады, прыцягненню айчынных і замежных турыстаў у рэгіёны краіны, інфармуе БЕЛТА.
Першым у 2010 годзе званне культурнай сталіцы атрымаў Полацк, затым — Гомель. У 2012 годзе такі тытул прысвоілі Нясвіжу, а цяпер чарга дайшла да Магілёва.
