Магілёўскія праваабаронцы спрабуюць даведацца пра лёс Саннікава
У Магілёве сёння прайшло паседжанне камітэта па абароне рэпрасаваных.
Яго сябры абмяркоўвалі, як абараніць жыццё і здароўе Андрэя Саннікава, які знаходзіцца ў магілёўскім следчым ізалятары ў чаканні этапу ў Бабруйск. Нагодай для гэтага сходу стала інфармацыя ў інтэрнэце, што палітвязня ў ізалятары змясцілі ў так званую "прэс-хату".
Праваабаронцы напісалі заяву начальніку турмы, паведаміў у жывым эфіры Еўрарадыё Барыс Бухель. Яны патрабуюць неадкладна даць адказ і праінфармаваць СМІ пра лёс экс-кандыдата ў прэзідэнты. Цяпер магілёўцы спрабуюць трапіць да начальніка СІЗА.
