Лукашэнка звольніў міністра энергетыкі Аляксандра Азярца
Прычынай называюцца правалы ў кіраванні энергетычнай галіной.
Пра гэта паведамляе БЕЛТА са спасылкай на прэс-службу кіраўніка дзяржавы.
Акрамя таго, Аляксандр Лукашэнка звольніў першага намесніка міністра энергетыкі Эдуарда Таўпянца і генеральнага дырэктара "Белэнэрга" Аляксея Шырму.
Нагадаем, што 16 красавіка ў беларускага кіраўніка прайшла нарада па развіцці энэргетыкі. На ёй Лукашэнка заявіў, што энэргетыкі збудавалі сваю дзяржаву ў дзяржаве ды яшчэ "з элементамі банды і мафіі".
Фота — bymedia.net
