Лукашэнка даручыў дапрацаваць праект новага "спартыўнага" ўказа

Па яе выніках Аляксандр Лукашэнка даручыў дапрацаваць праект новага ўказа аб аказанні падтрымкі арганізацыям фізічнай культуры і спорту. Ён павінен максімальна забяспечыць справядлівыя ўмовы іх функцыянавання і эфектыўнае размеркаванне дзяржаўных сродкаў. Ранейшы ўказ дзейнічаў да канца 2012 года, нагадвае БелаПАН.

Аляксандр Лукашэнка адзначыў, што за мяжой, у тым ліку ў НХЛ, ёсць пэўныя абмежаванні па бюджэце заработнай платы: "За мяжой гэта ўжо выпакутавана. Я толькі не разумею, чаму кіраўнікі федэрацый і ўрад не пераносяць гэта на нашу зямлю?!"

"Ніякага працягу ўказа не будзе, пакуль вы гэта не адрэгулюеце, — падкрэсліў беларускі кіраўнік. — Фонд зарплаты павінен быць вызначаны. І ён павінен быць выраўнаваны. А за кошт добрай гульні, найперш высокага месца, якое ты заняў, можаш атрымаць даплату са спонсарскіх і іншых сродкаў".