Лідар венесуэльскай апазіцыі пагражае пакінуць Кубу без нафты
З такой заявай выступіў кандыдат у прэзідэнты Венесуэлы ад апазіцыі Энрыке Капрылес.
Па словах Капрылеса, якія пераказвае РБК, продаж Кубе нафты па ільготных коштах не прыносіць Венесуэле выгады. У выпадку абрання Капрылеса на пасаду прэзідэнта ён прыгразіў, што ўрад Кастра не атрымае ад Венесуэлы і кроплі нафты.
Нагадаем, урад Уга Чавеса пастаўляў Кубе нафту па ільготных коштах. І пераемнік Чавеса Нікалас Мадура казаў пра свае планы працягваць гэтую палітыку.
Фота — AFP
