Косава ўвяло для беларусаў візавы рэжым
Часткова прызнаная незалежнай Рэспубліка Косава ўвяла візавы рэжым для грамадзян 87 дзяржаў, сярод якіх і Беларусь. Візы пачынаюць дзейнічаць з 1 ліпеня.
Візы будуць выдаваць у амбасадах і консульствах Косава, у выглядзе выключэння — на мяжы, адзначае podrobnosti.ua.
Косаўская віза не патрэбная, калі чалавек мае дзейную шматразовую шэнгенскую візу. З такой візай можна знаходзіцца на тэрыторыі Косава 15 дзён.
Акрамя Беларусі, візавы рэжым ўводзіцца для грамадзян усіх краін былога СССР, якія не ўваходзяць у Еўрасаюз, а таксама для 45 краін Афрыкі, 22 краін Азіі, 8 краін Карыбскага басейна і Паўднёвай Амерыкі.
Фота — n1.by
