Колькасць праціўнікаў будаўніцтва АЭС у Беларусі зніжаецца?
Пра гэта паведаміў загадчык лабараторыі Аб’яднанага інстытута энергетычных і ядзерных даследаванняў "Сосны" Акадэміі навук Вячаслаў Куўшынаў.
Па яго словах, зараз болей за 50% апытаных выказваюцца за будаўніцтва Беларускай АЭС. Падчас пастаяннага маніторынгу грамадскай думкі наконт будаўніцтва Беларускай АЭС супрацоўнікі інстытута заўважылі, што колькасць праціўнікаў АЭС зніжаецца.
Вячаслаў Куўшынаў: “На мой погляд, калі менш чалавек ведае, у яго з’яўляюцца пытанні, недавер. А калі чалавек ведае, навошта энергія, як яе здабываюць, тады ён становіцца прыхільнікам”.
Аднак дакладных лічбаў наконт колькасці апытаных пры маніторынгу Куўшынаў не назваў.
Фота — atomby.net
