Google пажартаваў пра закрыццё YouTube на 10 гадоў (відэа)
У сваім відэазвароце прадстаўнікі Google заявілі, што хочуць выбраць найлепшы ролік за 8 гадоў існавання інтэрнэт-рэсурсу.
Па словах прадстаўнікоў Google, пераможца будзе абвешчаны ў 2023 году, калі зноў YouTube зноў пачне сваю працу. Пры гэтым на сайце будзе дэманстравацца толькі лепшы відэаролік, а яго аўтар атрымае ў якасці прыза MP3-плэер і 500 долараў на наступны праект.
Праглядаць і адбіраць лепшае відэа нібыта будуць 30 тысяч спецыялістаў. У журы ўвойдуць вядомыя асобы, папулярныя відэаблогеры і самыя актыўныя каментатары. Як заявілі прадстаўнікі YouTube, шанец на перамогу ёсць як у Gangnam Style (які набраў амаль 1,5 мільярда праглядаў), так і ў відэароліка з 40 праглядамі.
Жарт з'явіўся на 1 красавіка, калі ва ўсім свеце адзначаецца Дзень дурня.
