Гамельчукі завінаваціліся за паслугі ЖКГ каля 5 млрд рублёў
Камунальныя паслугі рэгулярна не аплачвае больш за 30 тысяч сем'яў Гомельскай вобласці.
Каб ліквідаваць такую вялікую запазычанасць, камунальнікі пачалі падаваць на грамадзян у суд. За дзевяць месяцаў бягучага года было складзена ўжо каля дзевяці тысяч пазоваў, фактычна па тысячы ў месяц. Шаснаццаць жа неплацельшчыкаў былі выселеныя са сваіх кватэр. Як перадае гомельскае радыё, з даўжнікамі таксама праводзіцца і інфармацыйна-тлумачальная праца.
