ФІФА дазволіла правесці таварыскі матч Беларусь – Лівія
Сустрэча пройдзе 15 лістапада на Dubai Sports Club Stadium умяшчальнасцю 7.500 гледачоў.
Пачатак у 19.30 па мясцовым часе. 18.30 па беларускім.
Нагадаем, што 11 лістапада ў ААЭ было сарвана правядзенне спарынгу Беларусь - Нігер. Паводле інфармацыі БФФ, федэрацыя футбола ААЭ не паспела ўзгадніць з ФІФА ўмовы правядзення сустрэчы на сваёй тэрыторыі.
Выканкам Нігерскай федэрацыі футбола паведаміў, што матч "не змог адбыцца ў сувязі з непаразуменнем паміж арганізатарамі і адказнымі асобамі эмірацкай федэрацыі".
