Еўрапарламентары плануюць наведаць Мінск у сакавіку
Пра гэта Еўрарадыё распавёў прадстаўнік сакратарыяту прэзідыўма Еўрапейскага парламента Міхал Чапліцкі.
Запланаваная паездка звязана з парламенцкай асамблеяй Еўранэст.
Міхал Чапліцкі: “У ёй удзельнічаюць Украіна, Малдова, Грузія, Азербайджан і Арменія. Аднак Беларусь не ўдзельнічае, бо Еўрапейскі парламент не лічыць выбары ў Беларусі дэмакратычнымі. Але, безумоўна, нам бы хацелася аднойчы змяніць сітуацыю ў Беларусі да лепшага. Мы маем працоўную групу па Беларусі, якая вырашае, што рабіць з гэтай праблемай. І два прадстаўнікі гэтай групы хочуць наведаць Беларусь у пачатку сакавіка”.
