Чыноўнікі таксама стаяць у чарзе па валюту
Каля абменнага пункту валют на чыгуначным вакзале быў заўважаны начальнік упраўлення па зваротах грамадзян Магілёўскага аблвыканкама Мікалай Асіпенка.
Як сцвярджаюць відавочцы, ён знаходзіцца ў агульным спісе на пакупку валюты і прыязджаў, каб спраўдзіць сваю чаргу. Некаторыя магілёўцы яго пазналі і падыходзілі да яго, каб павітацца.
Нагадаем, што на чыгуначным вакзале існуе чарга на пакупку валюты ў колькасці каля 450 чалавек.
