Брэсцкія "зайцы" рызыкуюць застацца без аўтобусаў
Папярэджанні ад кіраўніцтва аўтобуснага парку з'явіліся на прыпынках Брэста.
Усё большую папулярнасць сярод брэстаўчан набывае праезд па прынцыпе "перадай квіток іншаму". Дабраўшыся да патрэбнага прыпынку, пасажыры перадаюць свае квіткі тым, хто толькі зайшоў у салон.
На такі спосаб зэканоміць аўтобусны парк адрэагаваў абвесткамі, у якіх тлумачыцца, што падобныя паводзіны могуць прывесці да скарачэння колькасці гарадскіх аўтобусаў.