Брэсцкая каманда Някляева пасылае сваім затрыманым паштоўкі салідарнасці
Каардынатар па Брэсцкай вобласці каманды палітыка Ўладзіміра Някляева Ігар Маслоўскі
паслаў на адрасы затрыманых 19 снежня падчас акцыі ў Мінску брэсцкіх актывістаў паштоўкі салідарнасці.
Вось што распавёў Ігар Маслоўскі:
"Сёння мы ўсім нашым сябрам, якія былі затрыманыя 19 снежня і якія атрымалі адміністратыўны арышт і цяпер знаходзяцца на Акрэсціна, у Жодзіна, пасылаем навагоднія паштоўкі. Зычым цвёрдасці духу. Мы з імі салідарныя".
Нагадаем, што падобныя акцыі праходзяць таксама ў Мінску і іншых гарадах краіны. Арыштаваным актывістам былі пасланыя сотні паштовак.
