Большасць жыхароў Латвіі выступаюць супраць рускай мовы
62,4% выбаршчыкаў краіны, якія гатовыя прыйсці на рэферэндум 18 лютага, плануюць сказаць “не” дзвюхмоўю.
Плебісцыт аб наданні рускай мове статуса дзяржаўнай ініцыявала таварыства “Родная мова”. Усяго ў галасаванні плануюць прыняць удзел 62,7% выбаршчыкаў, сведчаць вынікі апытання, праведзенага ў студзені агенцтвам сацыяльных даследаванняў “Латвіяс факты”.
28% апытаных маюць намер галасаваць “за”, а 62,4% — супраць 12,8% грамадзян вырашылі не ўдзельнічаць у рэферэндуме, 13% — яшчэ вагаюцца, 4,5% — хутчэй не стануць удзельнічаць, а 7% — не ведаюць, як паступіць, перадае Interfax.by
Каб руская мова стала ў Латвіі другой дзяржаўнай, за яе на рэферэндуме павінна прагаласаваць не меней за палову выбаршчыкаў.