БМЗ ліквідуюць, бо ствараецца новы холдынг
Вытворчае аб'яднанне “Беларускі металургічны завод” будзе ліквідавана да 1 жніўня 2013 года.
Пастанова аб гэтым змяшчаецца ва ўказе №132 ад 28 сакавіка 2013 года, падпісаным Лукашэнкам і апублікаваным на Нацыянальным прававым інтэрнэт-партале.
Дакумент прынялі ў сувязі са стварэннем холдынгу “Беларуская металургічная кампанія”.
Холдынг “Беларуская металургічная кампанія” створаны ў жніўні 2012 года. Кіраўнічай кампаніяй холдынгу стала ААТ БМЗ, зарэгістраванае ў студзені 2012 года. У склад холдынгу ўвайшлі прадпрыемствы, якія раней былі ў вытворчым аб'яднанні “Беларускі металургічны завод”.
