Беларусь патрабуе ад Індыі замяніць радыеактыўнае абсталяванне

Як паведамляе "Інтэрфакс", бліжэйшымі днямі прадпрыемства "Гроднаэнэрга" чакае адказ з Індыі. Гродзенскае прадпрыемства патрабуе у самыя кароткія тэрміны замяніць дэталі падвесак катла-ўтылізатара на дэталі, якія адпавядаюць усім належным патрабаванням.

Нагадаем, што 11 верасня на індыйскім абсталяванні была выяўленая пабочная крыніца іянізавальнага выпраменьвання з павышаным радыяцыйным фонам. Работы ў гэтай зоне былі спыненыя, персанал выведзены, зона агароджаная.

Праверкі паказалі, што на адлегласці 2 м ад радыеактыўных дэталяў перавышэння радыеактыўнага фону няма.