Беларусь не можа атрымаць ад Польшчы экс-дырэктара “Пінскдрэва”
Пра гэта тэлеканалу “Пінск” паведаміў пракурор Брэсцкай вобласці Іван Наскевіч.
Былы гендырэктар холдынгавай кампаніі “Пінскдрэў” Ларан Арыніч працягвае знаходзіцца на тэрыторыі Польшчы. Беларускія праваахоўнікі накіравалі суседзям неабходныя дакументы пра выдачу беглага дырэктара. Аднак польскі бок запрасіў дадатковыя матэрыялы па яго крымінальнай справе.
Нагадаем, Арыніч збег ад следства ў 2011 годзе. На яго пачалі крымінальную справу пасля выбуху на фабрыцы “Пінскдрэў ДСП”. У выніку таго выбуху загінулі 14 чалавек. У жніўні 2012 года польская паліцыя высветліла, што Арыніч жыве ў горадзе Радам у арандаваным доме. З таго часу і цягнецца працэс экстрадыцыі былога кіраўніка “Пінскдрэва” на радзіму.
