БДУ будзе рыхтаваць спецыялістаў для апрацоўкі касмічнай інфармацыі
У галоўнай ВНУ краіны ўводзяць 11 новых спецыяльнасцяў на першай ступені вышэйшай адукацыі.
Пра гэта падчас прэс-канферэнцыі распавёў рэктар БДУ Сяргей Абалмейка:
“Тэхналогіі апрацоўкі касмічнай інфармацыі развіваюцца і такія спецыялісты патрэбныя ва ўсіх міністэрствах, усе працуюць з электроннымі мапамі. Мы тут не збіраемся браць па 500 чалавек на гэтую спецыяльнасць”.
Акрамя космааэракартографаў, у БДУ будуць рыхтаваць фізікаў-нанатэхнолагаў, гідраметэаролагаў, хімікаў высокіх энергій ды інш. Таксама адкрыецца 9 новых спецыяльнасцяў у магістратуры.
