Азаранка і Новікава 30 ліпеня на Алімпіядзе ў Лондане
Першая ракетка свету згуляе з румынкай Ірынай-Камеліяй Бягу. А выступ штангісткі можа, нарэшце, прынесці Беларусі першы медаль Алімпіяды.
Ірына-Камелія Бягу мае 79-ы рэйтынг Сусветнай тэніснай асацыяцыі. Летась Вікторыя Азаранка лёгка перайграла яе на турніры ў Токіа: 6:1, 6:3.
Што праўда, Алімпійскі тэнісны турнір ужо прынес адну неспядзяваную паразу. Агнэшка Радванска – другая ракетка свету – прайграла Юліі Гёргес (№24) з Нямеччыны...
Выступа штангісткі Настассі Новікавай мы чакаем з асаблівай нецярплівасцю. 4 гады таму ў Пекіне менавіта Новікава адкрыла лік алімпійскім медалям зборнай Беларусі. Спадзевы на яе ўскладаюцца і сёння.
Трансляцыі з абодвух алімпійскіх стартаў будзе весці тэлеканал “Беларусь 2”:
– у 13:40 – тэніс;
– у 17:30 – цяжкая атлетыка.
Фота: freesmi.by.
