Арцём Шаркоў: Акцыя "Стоп-бензін" адбылася!
У жывым эфіры Еўрарадыё выступіў дырэктар інфармацыйна-асветніцкай установы "За аўто" Арцём Шаркоў. Ён ацаніў вынікі сённяшняй акцыі "Стоп-бензін".
На думку Шаркова, акцыя адбылася, бо галоўная яе мэта не перакрыццё вуліц, а данясенне да ўлады сваёй пазіцыі, сваіх пратэстных настрояў. Калі ўлічыць, колькі намаганняў прыклала ўлада супраць акцыі, то можна сказаць: яны добра адсочвалі падзеі і ведаюць, што цэны на бензін хвалююць людзей, кажа Шаркоў.
Ён адзначыў, што канцэрн "Белнафтахім" вымушаны ўлічваць пазіцыю аўтааматараў і, прынамсі, кожны раз прыдумваць новае тлумачэнне для павышэння цэн на бензін.
Нагадаем, 20 жніўня аўтамабільнае паліва ў Беларусі падаражэла ў шосты раз з пачатку года. Гэтым разам на 3%.
|
пачатак 2011 года |
20 жніўня 2011 года |
|
АІ-95 – 3240 |
АІ-95 – 4800 |
|
АІ-92 – 2870 |
АІ-92 – 4460 |
|
Н80 – 2250 |
Н80 – 4240 |
|
ДП – 2580 |
ДП – 4720 |
