Аляксандр Лукашэнка не лічыць сябе дыктатарам
Па словах кіраўніка Беларусі, у нашай краіне няма рэсурсаў для дыктатуры.
"У нас столькі праблем, што не да дыктатуры, і ў Беларусі дыктатура наогул немагчымая", — заявіў ён.
Разам з тым, Лукашэнка не прымае ліберальных каштоўнасцяў Захаду, адзначае interfax.by. Такія заявы ад кіраўніка дзяржавы прагучалі на сустрэчы са студэнтамі і выкладчыкамі Беларускага дзяржаўнага ўніверсітэта інфарматыкі і радыёэлектронікі. Па словах беларускага лідара, дыктатары гэта амерыканцы: "Бо ў іх ёсць усё: магутная эканоміка, друкуюць грошай, колькі жадаюць, ядзерная зброя. Вось яны і дыктуюць па ўсім свеце".
Заходнія ліберальныя каштоўнасці Лукашэнка лічыць несапраўдным лібералізмам. На яго думку, сапраўдны лібералізм — гэта "права на жыццё, працу, усе асноўныя правы".
