"Алмаз" узяў штурмам наркапрытон у Мінску
Байцы спецпадраздзялення МУС спусціліся з даху дзевяціпавярховага дома па вуліцы Берута і, уварваўшыся праз акно, захапілі насельнікаў кватэры.
Як паведамляе "Ежедневник", 33-гадовы гаспадар кватэры апошнім часам ужываў дома экстракцыйны опіўм. Таксама ён рэгулярна запрашаў да сябе сябрукоў-наркаманаў. Госці, як правіла, прыносілі інгрэдыенты для наркотыкаў з сабой, а з гаспадаром расплочваліся дозай опіўму.
Калі "алмазаўцы" захапілі кватэру, унутры якраз "адпачывала" чарговая кампанія. Падчас агляду жытла ў ім знайшлі раскіданыя шпрыцы, а на стале стаялі сем ёмістасцяў з ужо вырабленым опіўмам.
Фота — militarist.com.ua
