Актывісты патрабуюць спыніць рэпрэсіі супраць Дашкевіча і Ліхавіда (фота)
Яны накіравалі адпаведныя заявы начальніку Дэпартамента выканання пакаранняў МУС Аляксандру Барсукову.
Сярод падпісантаў — сустаршыня аргкамітэту партыі "Беларуская Хрысціянская Дэмакратыя" Аляксей Шэін, намесніца старшыні "Маладога Фронту" Наста Палажанка, бізнэсовец Андрэй Кабанаў ды іншыя. Агулам такія заявы напісалі каля 15 чалавек, паведамляе прэс-служба БХД.
У сваіх заявах іх аўтары просяць спыніць нематываваныя рэпрэсіі супраць Змітра Дашкевіча і Мікіты Ліхавіда, вызваліць іх са штрафнога ізалятара, дазволіць сустракацца са сваякамі, атрымліваць перадачы і рабіць пакупкі ў турэмнай краме.
