Адвакат сустрэлася з даверанай асобай Някляева Сяргеям Вазняком
13 студзеня адвакат Ларыса Атаманчук удзельнічала ў следчых дзеяннях з удзелам свайго падабароннага даверанай асобы кандыдата ў прэзідэнты Ўладзіміра Някляева
Сяргея Вазняка, паведамляе "Белорусский партизан"
"Выглядае добра, пачуваецца добра. Умовы цяжкія, але адаптаваўся да ўмоў СІЗА і ўспрымае знаходжанне там, як службу ў войску", - распавяла Ларыса Атаманчук.
Сяргей Возняк затрыманы раніцай 20 снежня, змешчаны ў СІЗА КДБ, яму прад'яўлена абвінавачванне ў арганізацыі і ўдзеле ў масавых беспарадках. З моманту затрымання дагэтуль знаходзіцца ў СІЗА КДБ.
Падабаронны здаровы, у леках не мае патрэбы. Ва ўсякім разе, перадачы Сяргею Вазняку даходзяць.
