Аб'яднанай грамадзянскай партыі далі памяшканне для з'езду
Ён пройдзе 31 сакавіка ў Палацы культуры трактарнага заводу.
Як паведамляе сайт АГП, 26 сакавіка адпаведную дамову партыя падпісала з дырэктарам палаца культуры.
Такім чынам, пытанне з месцам правядзення мерапрыемства нарэшце вырашанае. Нагадаем, што раней партыя атрымала каля дзясятка адмоваў ад іншых сталічных памяшканняў.
З'езд запланаваны з 10 да 18 гадзін. Яго дэлегатамі вылучаныя больш за 170 чалавек. На партыйным форуме плануецца пераабраць кіраўніцтва арганізацыі і прыняць стратэгію дзейнасці на бліжэйшыя некалькі гадоў.