Абвешчаныя першыя прысуды за "Чарнобыльскі шлях"
Суддзя Аксана Рэлява прысудзіла Аляксею Чурылаву 10 сутак, Змітру Шаўлюкевічу — 15 сутак.
Як паведамляе праваабарончы сайт "Вясна", суды працягваюцца. З Савецкага суда Мінска ў лякарню павезлі маладафронтаўца Рамана Васільева. Яго паплечнік Міхась Мускі кажа, што іх усіх пасля затрымання моцна збілі міліцыянты. Сам Мускі таксама папрасіў выклікаць лекараў.
Тым часам каля суда затрымалі маладафронтаўцаў Уладзіміра Яроменка і Змітра Крамянецкага.
