Абвешчаныя пераможцы літаратурнай прэміі "Дэбют"
Уручэнне прэміі імя Максіма Багдановіча адбылося ўвечары 21 сакавіка ў галерэі "Ў".
У намінацыі "проза" пераможцай стала Юлія Шарова з раманам "Don Giovanni, або Памілаваны свавольнік" (яго можна спампаваць на сайце Еўрарадыё). У "паэзіі" перамога дасталася Андрэю Адамовічу за кнігу "Дзень паэзіі смерці дзень". У намінацыі "пераклад" лаўрэаткай стала Ганна Янкута за пераклад аповесці Чарлза Дыкенса "Калядны харал". Спецыяльны прыз за нечаканку года дастаўся Глебу Лабадзенку.
