Рэкамендацыі МНС у сувязі са складанымі ўмовамі надвор'я

Раніцай 12 студзеня ў Беларусь прыйшоў цыклон Daniella з моцнымі і працяглымі снегападамі, а на поўдні — з дажджамі. У сувязі са складанымі ўмовамі надвор'я МНС апублікавала свае рэкамендацыі грамадзянам:

па магчымасці ўстрымайцеся ад паездак на асабістым аўтатранспарце;

машыну пастаўце ў гараж, пры адсутнасці гаража машыну варта паркаваць удалечыні ад дрэў;

навучыце дзяцей, як дзейнічаць падчас непагадзі;

знаходзячыся на вуліцы, абыходзьце хісткія будынкі і дамы з няўстойлівым дахам;

будзьце асцярожныя пры знаходжанні на вуліцы, звяртайце ўвагу на цэласнасць паветраных ліній электраперадач;

пры выяўленні любой няштатнай сітуацыі неадкладна тэлефануйце па тэлефоне 101 або 112!

Фота: БЕЛТА