Расстрэл у Тайландзе: колькасць ахвяраў вырасла да 27, названы матыў стрэлка

Колькасць ахвяр 32-гадовага вайскоўца Джакрапанты Томы, які 8 лютага параніў і расстраляў дзясяткі чалавек пры захопе гандлёвага цэнтра ў Тайландзе, павялічылася да 27. Паводле слоў прэм'ер-міністра Тайланда Праюта Чана-оча, матывам дзеянняў стрэлка стаў канфлікт паміж ім і іншымі вайскоўцамі з- за продажу дома, перадаюць тайскія медыі.

Акрамя 27 загінулых, ад дзеянняў ваеннага пацярпелі яшчэ 57 чалавек, у бальніцах застаюцца 12 параненых.

Джакрапанта Тома 8 лютага спачатку забіў свайго камандзіра і двух таварышаў па службе ў ваенным лагеры ў 250 кіламетрах ад Бангкока. Ён скраў армейскі джып і пачаў расстрэльваць людзей на вуліцах, а затым забарыкадаваўся ў прадуктовай краме гандлёвага цэнтра Terminal-21. Вайскоўца ліквідаваў спецназ.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.