Расійскія вайсковыя самалёты прызямліліся ў Бабруйску
13 сакавіка на аэрадроме ў Бабруйску прызямліліся шэсць знішчальнікаў Су-27 і тры ваенна-транспартныя самалёты Ваенна-паветраных сілаў Расіі.
Як інфармуе БелаПАН, гэта самалёты са складу авіяцыйных часцей Заходняй ваеннай акругі Узброеных сіл Расіі.
Пра тое, што Беларусь прапануе Расеі размясціць у сябе дадаткова да 15 самалётаў у сувязі з актыўнасцю NATO каля межаў краіны Аляксандр Лукашэнка заявіў 12 сакавіка на пасяджэнні Савета бяспекі.
Праўда, ужо 13 сакавіка беларускі кіраўнік паведаміў, што не ён папрасіў абароны ў Расіі, а расійскі бок доўга прасіўся размясціць гэтыя самалёты.
Фота — topwar.ru
