Расійскія вайскоўцы паранілі двух украінскіх афіцэраў — закідалі гранатамі
Сёння ў Севастопалі была спроба захапіць склад брыгады тактычнай авіяцыі ўзброеных сілаў Украіны.
На складзе авіябрыгады дзяжурылі афіцэры. Яны заўважылі перасоўванне невядомых і адкрылі папераджальны агонь у паветра. "Невядомымі" аказаліся расійскія вайскоўцы, якія закідалі ўкраінцаў святлошумавымі гранатамі. У выніку, намеснік начальніка штаба брыгады быў паранены і згубіў прытомнасць. У іншага афіцэра нязначныя пашкоджанні.
Як паведамляе сайт news.liga.net, у цяперашні час склад са зброяй кантралююць сумесна ўкраінскія і расійскія вайскоўцы.
Фота — ria.ru
