Расійскім рэжысёрам забаранілі прапагандаваць паленне
У стандартныя кантракты з прадзюсарамі кінастужак, якія
фінансуюцца з дзяржаўнага бюджэта, унесены пункт, які забараняе “тытуняпаленне
і наркаманію”. “Коммерсантъ” патлумачыў, што такім чынам Федэральнае агенцтва
па культуры і кінематаграфіі (Роскультура) выканала патрабаванне Генпракуратуры
па выкананні расійскага заканадаўства. Новаўвядзенне звязана з вынікамі пракурорскай праверкі.
Як канкрэтна агенцтва плануе выконваць патрабаванне, пакуль невядома.
Кінарэжысёры палічылі рашэнне Генпракуратуры за ўмяшанне ў мастацтва. “Коммерсантъ”
цытуе Івана Дыхавічнага: “Ад рэжысёраў патрабуюць, каб за дзяржаўныя грошы ім
паказвалі толькі прыгожую прыроду, аднак калі мы не будзем паказваць рэальнае
жыццё, то нічога добрага з гэтага не атрымаецца”.