Расійскі верталёт над Курскай вобласцю збілі з дапамогай FPV-дрона
![Верталёт атрымаў сур'ёзнае пашкоджанне](/sites/default/files/styles/gallery_main/public/2024-08/viert.jpg.webp?itok=kQLclrNk)
Верталёт атрымаў сур'ёзнае пашкоджанне / Кадр з відэа
Расійскі верталёт Мі-28 над Курскай вобласцю збілі з дапамогай FPV-дрона. Адзначыліся байцы падраздзялення М2 Цэнтра спецаперацый СБУ.
Аперацыю называюць унікальнай. Гэта адбылося "ўпершыню ў гісторыі", піша hromadske.ua.
Аперацыя была праведзена 6 жніўня. Украінцы не маюць пакуль інфармацыі пра лёс верталёта. Расійскія "ваенкары" пішуць, што экіпаж здолеў пасадзіць верталёт, яго будуць рамантаваць, і ахвяраў няма. Таксама ўчора ўкраінцамі над Курскай вобласцю быў збіты яшчэ адзін верталёт — Ка-52, ён цалкам знішчаны. Ёсць звесткі, што за суткі былі збітыя тры верталёты.
![Расійскі верталёт над Курскай вобласцю збілі з дапамогай FPV-дрона](/sites/default/files/styles/default_image_paragraph/public/paragraphs/image/221111111_1.jpg.webp?itok=_yFIvaZ3)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.