Расія рыхтуецца да дыверсій падводных міжнародных камунікацый
![Расійская атамная падводная лодка тыпу "Акула"](/sites/default/files/styles/gallery_main/public/2024-09/screenshot_2024-09-07_104328.png.webp?itok=etQCWIdB)
Расійская атамная падводная лодка тыпу "Акула" / AP Photo / Dmitry Lovetsky
Расія, імаверна, рыхтуецца да правядзення дыверсій супраць міжнародных падводных камунікацыйных сетак, паведамляе CNN. Гэтыя аперацыі могуць распрацоўвацца праз Галоўнае ўпраўленне глыбакаводных даследаванняў (ГУГД), якое ўваходзіць у структуру Міністэрства абароны РФ.
Паводле звестак амерыканскіх крыніц, расейская вайсковая актыўнасць паблізу ключавых падводных кабеляў значна ўзрасла. Гэта выклікае занепакоенасць у ЗША, якія лічаць, што Расея можа нацэліцца на пашкоджанне найважнейшых элементаў глабальнай камунікацыйнай інфраструктуры. Адзін з прадстаўнікоў амерыканскага ўрада адзначыў, што Расея актыўна развівае магчымасці для падводных дыверсій з дапамогай ГУГД, кіруючы падводнымі лодкамі, надводнымі караблямі і беспілотнымі сістэмамі для гэтых мэтаў.
CNN таксама паведамляе, што ЗША ўважліва адсочваюць перамяшчэнне расейскіх караблёў у раёнах, дзе размешчаныя падводныя кабелі, часта ўдалечыні ад расейскіх вод. Асаблівая ўвага надаецца акваторыі Паўночнай Еўропы, дзе ў мінулым годзе расследаванне, праведзенае скандынаўскімі краінамі, выявіла наяўнасць расійскага флоту меркаваных шпіёнскіх судоў, патэнцыйна прызначаных для падводных дыверсій.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.