Расія ноччу ўдарыла па Кіеве ракетамі, загінулі людзі

У выніку абстрэлу была пашкоджана дзіцячая паліклініка / @VA_Kyiv
У выніку абстрэлу была пашкоджана дзіцячая паліклініка / @VA_Kyiv

Мінулай ноччу Расія зноў атакавала Кіеў. Па ўкраінскай сталіцы ўдарылі, па папярэдняй ацэнцы, крылатымі ракетамі і ракетамі балістычнага тыпу, кажуць у Кіеўскай гарадской ваеннай адміністрацыі.

"Паводле наяўнай інфармацыі, усе выяўленыя паветраныя цэлі былі знішчаныя сіламі і сродкамі нашай супрацьпаветранай абароны. На жаль, ад падзення абломкаў ёсць ахвяры і разбурэнні", — таксама адзначылі ў адміністрацыі.

Па дадзеных на 7 гадзін раніцы загінулі тры чалавекі, у тым ліку 10-гадовае дзіця. Яшчэ адно дзіця атрымала траўмы. Усяго траўмаваныя 10 чалавек. У адным з жылых дамоў выбіла вокны і дзверы, выбухной хваляй сарвала балкон. Абломкамі ракет пашкоджаныя дзве школы (тут таксама выбітыя вокны і дзверы), а таксама дзіцячая паліклініка.

Россия ночью ударила по Киеву ракетами, погибли люди
Пашкоджаны ад ракетнага абстрэлу жылы дом / @t.me/VA_Kyiv

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі